എന്തൊരു സ്നേഹം.. ചോക്ലേറ്റ്‌ സ്നേഹം

ഡയറി മില്‍ക്‌ ബ്രാന്‍ഡിനോടുള്ള മിന്നൂസിന്റെ വിശ്വാസ്യത ഇപ്പോഴും തുടരുന്നു.

മുത്തച്ഛന്‍ കൊണ്ടുവന്ന് കൊടുത്ത ഡയറി മില്‍ക്ക്‌ ചോക്ക്ലേറ്റ്‌ കയ്യിലെടുത്ത്‌ പിടിച്ചത്‌ കണ്ട്‌ മിന്നൂസിന്റെ അമ്മ അല്‍പം താല്‍പര്യത്തോടെ മിന്നൂസിനെ നോക്കി.

"ഇത്‌ പൊട്ടീതാ... പൊട്ടീത്‌ അമ്മ തിന്നണ്ടാ ട്ടോ.." മിന്നു ചോക്ലേറ്റ്‌ പൊട്ടിച്ച്‌ കഴിക്കുന്നതിന്നിടയില്‍ പറഞ്ഞു.

ഓഫീസില്‍ പോകാനായി തയ്യാറായിക്കൊണ്ടിരുന്ന എന്റെ അടുക്കലേയ്ക്ക്‌ മിന്നു വന്നു. എന്നിട്ട്‌ എന്റെ നേരെ കൈ നീട്ടി. കയ്യില്‍ ഡയറി മില്‍ക്കിന്റെ ഒരു ചെറിയ കഷണം. എനിക്ക്‌ അല്‍ഭുതമായി.. ആ സ്നേഹം.... ഞാന്‍ വാങ്ങി വായിലിട്ടു.

"നിലത്ത്‌ വീണത്‌ എനിച്ച്‌ വേണ്ട.." ഇതും പറഞ്ഞ്‌ മിന്നു അവളുടെ കയ്യിലുള്ള ബാക്കി പീസും കൊണ്ട്‌ അപ്പുറത്തേയ്ക്ക്‌ പോയി.

(വായിലിട്ട ഞാന്‍ ചവച്ച്‌ തുടങ്ങിയ ആ ചോക്ലേറ്റ്‌ ഒന്ന് സ്റ്റക്ക്‌ ആയെങ്കിലും ആ സ്നേഹം ഓര്‍ത്ത്‌ ഞാന്‍ പൊട്ടിച്ചിരിച്ചുപോയി)